|
|
| Centro vash minoritaruno integripe |
O centro vash minoritaruno integripe formiringyola sar yekh ideya koya pe angluni ver lepargyola pe yekh khedipe e naraipne organizaciyengo e savore minoritarune komunitetyengo koya organizisali pe strati e 2005 bershesko ani Brezovica . O centro formiringyola ano Prizren pe data 5 februari e 2006 bersheste pe financiyuno ashutiripe kotar i kosoavaki Fondaciya vash phravdo malipe- SOROS. Kotar o komunake organya ano Prizren o Centro lela ofiso vash vastipe bizo pokipe . Renovipe e ofisesko thay pasheripe e kompetyune ofiseke mobilyengo thay kompyutyerencar financiringya o KFOS-i. O centrosko ofisiyalaluno phravipe ovela pe data 7 marti 2006 bersheste .
Sar e startestar si ano adisune dive o Centro si sar yekh serviso na raipne organizaciyenge, kola na silen pere ovisya . Ola shay vastinena o interneti hay o kompyuterya bizo pokipe ,sar ini skeniripe thay printipe varesave meteriyalya. O centro e harne vahteske relizingya yekh konsideruno gendo e proyektyengo . Numay e rendune kursyengo kotar i informatika thay anglikana qhibyako o Centro organizingya ini ulavde work-shopya vash vazdipe o kapaciteti e naraipne cektoresko ano ledeipe e profesionalune ekspertyencar , sar ini e sikavnencar kotar e na raipni organizacia ATTA ano Prizren .
Ano finaciyno phikodeipe e amerikake ofisesko ani Prishtina organizisale shtar debate vash o minoritarune problemya : O Minoritetya thay o lokaluno guvernipe , o Minoritetya thay Edukipe , Monoritetya thay o mediye vay e agorutni o Minoroteyya thay alosaripya .
Palo odova work-shopya 12 ver-ver modulyencar e relevantune temencar sar funkcioninela o civilyuno sektori . Ano septembro e bersheste 2007 o Centro organizingya yekh multietnikuno koncerti pelaripea pe godi kay ano Prizren jivdinena baro gendo e ververutne komunitetyengo. Pe koncerti lela kotor Kulturiuno Artistikano malipe e lbanyengo, Romengo, Boshnyakuyengo vay Turkya.
O agorutne alosaripya kola ani Kosova adikerdile 17.Novemrea 2007 bersheste o Centro ano ldeipe e KFOS-ea realizingya o proyekti edipe e avazutnengo . O centro organizingya publikune debate ano keripe e neva Konstutuciyako ano ledeipe e NDI-aya, Kosovako demokrativuno istituti ano Prizren thay IREX-eya. Organizisale ini e debata e neva UNIMK-oska Regulativako 2007/30 vash strukturipe e komunalune lokaluna asambleaki.Agorutni debat koya o Centro organizingya si e tema „Si li o minoritetya qhalarde e neva Kosovaka Konstituciyaha“. Ini kay na s abokar phurani na raipni organizaciya Centroa vash minoritaruno integripe ano Prizren korkoro si ano ledeipe e yavere organizaciyencar thay ashutiripe e donatorengo ano poro periodi organizingya yekh baro gendo e proyektyengo kola sinele leipaya e problemyengo kola silen o minoritetya kola jivdinena ani Kosova |
|
|
|
| 
